[AGUILHOAR] VI Festival da Mocidade

Crónica do VI Festival da Mocidade

2011-08-01T09:26:00.000-07:00

O pasado sábado, 30 de xullo, decorreu a sexta edición do Festival da Mocidade, este ano adicando a temática do mesmo aos deportes populares e galegos, sob a organización dun campionato que enfrontaba aos pobos, aldeas e barrios da comarca en probas como os 4000m, 100m, brilé, lanzamento de sacho ou o tiro con fisga, continuando a idea lanzada nas Olimpiadas Populares Galegas.

O resultado foi un rotundo éxito, non só na participacióm, contando con dez equipas, con un número de participantes que ia dos 6 aos 10 por cada unha, mais polo ambiente vivido, o convivio e a sana competitividade, pondo en valor unha outra forma de lecer, sempre de unha óptica 100% galega e popular.

Olimpiadas Inter-Pobos. Casa Baratas-Pombal saiu como a equipa gañadora.

A xornada comezou por volta das 11h da mañá até 14h nas instalacións deportivas do campo da Moreira, desputándose os 4000m resultando gañador Javi do Poligono 2 na categoria masculina e Lorena Portela da Veiga na feminina. Logo virían os 100m. que iría para Hector da Sainza, e mais para Noelia do Barrio de Abaixo. A continuación a lonxitude gañando o Javi do Poligono 2 e novamente Noelia do Barrio de Abaixo. E por último, en peso maculino faríase co trunfo Javi das Casas Baratas – Pombal e no feminino Raquel de Reboreda, e o Tiro con Fisga que foi para a equipa das Casas Baratas – Pombal.

Na concurrida e calurosa tarde, foron as probas de lanzamento de sacho, que gañou Adrian da Sainza, e mais unha vez, Noelia do Barrio de Abaixo. O brilé foi gaño novamente pola equipa das Casas Baratas – Pombal, e a seguir no Volei foi para A Sainza quen

se levou a vitoria. E para rematar a xornada deportiva, a igualada carreira popular foi para equipa de Reboreda. Portanto, a clasificación por equipas resultou o primeiro posto para as Casas Baratas – Pombal, o segundo para Sainza e o terceiro para o Barrio de Abaixo.

Concertos e entrega de trofeus

Porén, a xornada non terminaba aí, mais continuaba na Praza de Oriente de Xinzo de Limia ambiantada para o efeito, cos concertos dos ourensanos Markarpone e os de Ponte Areas, Skandalo GZ que animaron aos presentes. Así, decorreu a entrega de trofeus a carrego de membros da Aguilhoar fixo entrega dos premios anunciados, nunha irónica intervención na que aliás se entregaran os premios “Isaac Vila” e “Anxo Quintana”.

Só resta agradecermos a todos as e os presentes e as que colaboraran con este VI Festival da Mocidade a súa axuda e agardarmos mais un ano para unha nova edición.

[VI FESTIVAL DA MOCIDADE] PROGRAMA DEFINITIVO.

2011-07-22T07:51:00.001-07:00

Eis a programación definitiva deste VI Festival da Mocidade a decorrer o sábado dia 30 de xullo en Xinzo de Limia.

OLIMPIADAS INTER-POBOS
HORARIO DAS PROBAS: Campo da Moreira

Ás 11h00. 5000 m e 100 m

Ás 11h45. Lanzamento de peso e Salto de Lonxitude

Ás 12h30. Lanzamento de Sacho

Ás 13h00. Tiro con Fisga

Descanso para comer

Ás 16h00. Brilé

Ás 17h.00. Volei

Ás 18h30. Carreira Popular de Relevos

Ás 19h15. Billarda

Ás 20h30. Loita Galega

CONCERTOS. Praza de Oriente
Entrega de Tofeus

Ás 23h00
SKANDALO GZ
MASKARPONE

ACLARACIÓNS DAS OLIMPIADAS INTER-POBOS

2011-07-14T10:14:00.000-07:00

Debido á cantidade de perguntas plantexadas nestes días a respeito das Olimpiadas Inter-Pobos, queremos facer as aclaracións que seguen;

-As equipas teñen que ter unha muller como mínimo? Si, son equipas mixtas todas.

-Cal é o mínimo de membros por equipa? 6.

-Máximo? Non hai.

-Temos que participar en todas as probas? Non, só nas que consideres oportuno.

-E se non temos “pobo” ou xa hai equipa feita? Ademais de pobos, pódese participar por aldeas (por ex. Boado, Morgade, etc respecto de Xinzo) ou por barrios (Viños, Polígono, etc respecto de Xinzo)

-Teñen que ser todos os membros do pobo? Non necesariamente, mais nós recomendamos que si.

-Como se pontua? As probas pontuaranse respectivamente con 3, 2 e 1 ponto os postos 1º, 2º e 3º, a equipa que ao final contabilizar mais pontos será a vencedora. Caso de empate gaña a que teña mais probas gañadas, e caso de novo empate o que teña mais probas femininas gañadas.

-Hai disciplinas de homes e mulleres? Si, haberá nas probas de forza unha categoria de homes e outra de mulleres, e pontuarán por separado.

-Quen arbitra? Cada equipa debe achegar unha persoa para facer de árbitro para axudar á organización.

-Hai límite de idade? Non. Nen máxima, nen mínima.

-Cota de inscripción? 4 euros por membro. O total dependerá do número de membros.

-Onde pago? O dia 30 de xullo, às 11h na Moreira.

-Onde nos anotamos? Por correo aguilhoar@hotmail.com, no Centro Social Aguilhoar, avisando a cualquer socio/a que coñezades con data límite 28 de xullo.

-Hai vestiarios? Si, estarán habilitadas as instalacións da Moreira ao completo.

-Haberá Bar? Si, a cantina estará disponible con bebida fresca e bocadillos para participantes e para o público.

-Pódese ir como público? Desde logo que si. Animamos a todas e todos, aínda que non participades, que vaiades animar ao voso pobo.

-Cando se saberán os gañadores? Os gañadores de cada proba individual e a equipa gañadora en xeral daranse a coñecer a partir das 23h00 na Praza de Oriente no descanso dos grupos que actuarán para finalizar a xornada.

-Que hai de trofeus? Un xamón ao 1º, un lacón ao 2º e uns chourizos ao 3º. Aliás, haberá un diploma para cada gañador/a individual.

-Hai que ir a recollelo? Si, é obrigatorio. Senon se acode a recoller o trofeu á Praza de Oriente pasarase o trofeu ao seguinte clasificado en pontos, e así sucesivamente.

OLIMPIADAS INTER-POBOS. VI Festival da Mocidade

2011-06-29T08:47:00.001-07:00

Mais un ano as e os mozos da Aguilhoar organizamos unha edición do Festival da Mocidade. Este ano será adicado en exclusiva á festa do deporte, que enfrentará en diferentes disciplinas aos pobos e aldeas da comarca. Ainda, a partir das 23h00 na Praza de Oriente (Xinzo) haberá concertos e a entrega de trofeus aos gañadores.

30 de Xullo no Campo da Moreira (Data límite de inscripción 28 de Xullo)

As probas decorrerán nas instalacións deportivas da Moreira (Xinzo de Limia) desde ás 11h00 da mañá até as 20h00 da tarde do sábado 30 de Xullo.

Poderán participar todas equelas persoas que o desexen, organizadas en equipas en función do seu pobo ou aldea, existindo mínimo de 6 persoas e sen máximo de participantes por cada unha delas, nen necesidade de participar en todas as probas.

Trofeus e concertos. Praza de Oriente.

A partir das 23h00 na Praza de Oriente haberá concertos para por fin a esta xornada deportiva e festiva, realizándose a entrega de trofeus ás equipas e gañadores de cada proba.

O Trofeu para o pobo gañador será un xamón, para o segundo clasificado será un lacón e para o terceiro uns chourizos. Aliás, haberá un diploma para os campións individuais de cada unha das probas.

Para determinar o pobo vencedor, en cada unha das probas pontuaranse respectivamente com 3, 2 e 1 ponto os postos 1º, 2º e 3º. Así, a equipa que ao final contabilizar mais pontos, será a vencedora das OLIMPIADAS INTER-POBOS.

Prezo de inscripción (4 €)

O prezo de inscripción por equipa será en función do número de participantes, debendo pagar 4 euros por persoa de cada equipa.

Vilar de Santos, Rairiz de Veiga, A Sainza, Morgade e Boado xa aseguran a súa particpación. FAI UNHA EQUIPA NO TEU POBO OU ALDEA E ANÓTATE!!!

-Contacto: aguilhoar@hotmail.com ou no Centro Social Aguilhoar-

As probas son as que seguen;

5000 m

100 m

Lanzamento de peso

Salto de Lonxitude

Lanzamento de Sacho

Tiro con Fisga

Brilé

Volei

Carreira popular de relevos:

a) Carreira de sacos 15 m

b) Carreira a carretilla 15 m

c) Carreira ao chico 15 m

d) Carreira con unha culler na boca e con unha pataca. 15 m

Billarda

Loita Galega

OS TROFEUS

2011-06-29T08:43:00.000-07:00

Os Trofeus serán entregados na Praza de Oriente, a partir das 23h00, no decorrer dos concertos axendados para rematar a xornada.

XAMÓN

O pobo gañador levará como trofeu desta edición das olimpidas inter-pobos organizadas pola Aguilhoar un magnífico xamón.

LACÓN

O pobo que fique como segundo clasificado nestas olimpiadas levará como trofeu un lacón.

CHOURIZOS

Por último, o terceiro na táboa clasificatoria levará como trofeu uns chourizos.

DIPLOMAS

Aliás, todos os gañadores de cada unha das probas levará un diploma.

CONCERTOS

2011-06-29T08:41:00.001-07:00

Para rematar a xornada deste VI Festival da Mocidade - Olimpiadas Inter-Pobos, haberá unha serie de concertos que decorrerán no bairro dos viños de Xinzo de Limia, na céntrica Praza de Oriente, a partir das 23h00, para facermos bailar aos persoal que participou mais un ano deste evento festivo e tamén, agora, deportivo. Alén disto, realizarase a entrega de Trofeus ás equipas gañadores e aos gañadores tamén individuais de cada unha das probas desputadas.

CONCERTOS. 23h00 PRAZA DE ORIENTE

MASKARPONE

O grupo ourensano Maskarpone fará presenza na VI edición do Festival da Mocidade co seu ska -reggae para facernos danzar a todas e todos até non podermos parar.

Eis alguns videos das suas actuacións;

http://www.youtube.com/watch?v=yhUzNCJvR2A

http://www.youtube.com/watch?v=ByVP6zjxxFg&feature=related

SKANDALO GZ

Repiten de novo os de Ponte Areas, Skandalo GZ, após o festival celebrado o ano pasado na Sainza (Rairiz de Veiga), con un induvitábel compromiso político e dicendo as cousas ben claras. Ska puro e duro que non deixará indeferente a ninguén.

Eis alguns videos das suas actuacións;

http://www.youtube.com/watch?v=dxjyN3b44lg&feature=related

http://www.youtube.com/watch?v=fyyqr1ZBqyY&feature=related

E AO REMATAR CONTINUA A FESTA!!!

PROGRAMA E DESCRIPCIÓN DAS PROBAS

2011-06-29T08:24:00.000-07:00

HORARIO DAS PROBAS:

-Ás 11h00

5000 m (Saída da Moreira e seguido por un percorrido polas pistas)

100 m

-Ás 11h45

Lanzamento de peso

Salto de Lonxitude

-Ás 12h30

Lanzamento de Sacho

-Ás 13h00

Tiro con Fisga

Descanso para comer

-Ás 16h00

Brilé

-Ás 17h.00

Volei

-Ás 18h30

Carreira Popular de Relevos:

a) Carreira de sacos 15m

b) Carreira a carretilla 15m

c) Carreira ao chico 15m

d) Carreira cunha culler na boca e cunha pataca.15m.

-Ás 19h15

Billarda

-Ás 20h30

Loita Galega

-Ás 23h00

Entrega de Tofeus na Praza de Oriente

Concertos

DESCRIPCIÓN DAS PROBAS

5000 M

A proba consistirá nunha carreira de 5000 metros, a través dun circuito debidamente sinalizado, polas inmediacions da Moreira, comezando na pista de altetismo do campo. Desclasificación da proba: 3 saídas nulas (sair antes do sinal), agarrar, golpear, empurrar, desequilibrar ou obstruir outro participante, atalhar ou circular por fora do circuito marcado.

100 M.

A proba consistirá nunha carreira de 100 metros na pista de atletismo, a través dun circuito debidamente sinalizado.

Serán motivos de desclasificación da proba: 3 saídas nulas (sair antes do sinal), agarrar, golpear, empurrar, desequilibrar ou obstruir outro participante, atalhar ou circular por fora do circuito marcado.

Lanzamento de Peso

A proba consistirá no lanzamento de lonxitude dunha pedra (adoquin). Os lanzamentos realizaránse por quendas, podendo realizar un só lanzamento por participante e quenda. Dentro do campo de lanzamento delemitarase a zona de lanzamento. Cada lanzador disporá de 3 intentos, nos cales intentará chegar coa pedra a maior distancia posible. A maneira ou estilo coa que se debe realizar o lanzamento será libre e a escolla do lanzador. Se o lanzador saíse da zona de lanzamento ou lanzase fora do campo de lanzamento (é dicir lanzase noutro sentido distinto ao campo destinado aos lanzamentos) o lanzamento considerarase nulo. Os lanzamentos realizaranse con unha pedra duns 20-25 cm de diámetro e uns 3 kg d peso.

Salto de Lonxitude

Espazo da competición: O espazo de competición constará de dúas partes, unha pista de aceleración e unha área de aterrizaxe, separadas por unha marca (liña de batida). A primeira será duns 30 m, podéndose comezar a carreira desde o ponto que consideremos máis adecuado dentro desta distancia. A segunda terá uns 7 m. de distancia.

Procedemento: O saltador iniciará a carreira desde o ponto que considere máis adecuado da pista de aceleración unha vez que o árbitro indique a súa saída. Correrá en dirección á área de aterrizaxe executando a batida sen pisar a liña de batida. Unha vez realizado o salto, o árbitro medirá a distancia desde a liña de batida e a marca máis retrasada feita por calquera parte do corpo do atleta.

Realizaranse 3 saltos por competidor e contará aquel no que acade mellor marca. Se resulta un empate entre varios saltadores, clasificarase aquel que teña mellor 2º salto ou incluso 3º mellor salto no caso de que se tivese que volver a desempatar.

Lanzamento de Sacho

A proba consistirá no lanzamento de lonxitude dunha aixada ou sacho. Os lanzamentos realizaránse por quendas, podendo realizar un só lanzamento por participante e quenda. Dentro do campo de lanzamento delemitarase a zona de lanzamento. Cada lanzador disporá de 3 intentos, nos cales intentará chegar coa aixada a maior distancia posible. Medirase a distancia que existe entre o límite da zona de lanzamento e o primeiro impacto da parte de ferro do sacho co chao.A maneira ou estilo coa que se debe realizar o lanzamento será libre e á escolla do lanzador.

Se o lanzador saíse da zona de lanzamento ou lanzase fora do campo de lanzamento (é dicir lanzase noutro sentido distinto ó campo destinado aos lanzamentos) o lanzamento considerarase nulo. Os lanzamentos realizaranse cunha aixada duns 70 cm de longo e uns 2 kg d peso.

Tiro con Fisga

Diana. Atoparase a unha distancia de 10 m da zona de tiro. Dividirase en 4 circunferencias que delimitarán, da maior à mais pequena, áreas de 25, 50, 75 e 100 pontos, contando do exterior o interior respectivamente. As dimensións serán dun A0 (84 cm de ancho e 1m 18 cm de longo)

Fisga e munición. Todos os participantes competirán co mesmo tipo de fisga e lanzarán o mesmo tipo de pedras, cedidas unhas e outras pola organizacion.

Proba. Permitiranse 5 tiros, den ou non na diana. A puntuación final será a suma das veces que se de en diana cos puntos marcados na circunferecia. En caso de empate, pasará quen conseguise o tiro mais próximo ao centro da diana.

Brilé

As equipas: No xogo enfrentanranse duas equipas, formada cada umha por seis persoas.

O campo: O campo consta de duas partes.

Obxectivo do xogo: Conseguir que toda a equipa rival pase ao seu cárcere

Repartidos en dous grupos, con unha bola, tentaremos golpear os membros da equipa contraria.

Regulamento: Se te lanzan a bola, esta dache e depois toca o chao, ficas eliminado e vas á parte do cárcere. Terás direito a reinciar o xogo desde alí, podendo salvarte se no primeiro tiro brilas algun membro da equipa rival. Permitese pasar a bola desde o campo de un grupo ao cárcere do mesmo grupo, se a bola non é interceptada pola equipa rival. Se golpeas coa bola algún membro da própria equipa, este non será eliminado. Se a bola te golpea despois de botar no chao, non serás eliminado.

Volei

O Campo: Dividido en dúas partes, iguais entre si, que meden 10 x 6 m, con unha superficie aberta entre 3 e 6 m. e espazo libre de xogo, que é o espazo sobre a zona que está libre de obstáculos. Este espazo debe ser entre 7 e 10m.

A Rede: Situada a 2,30 m.

As equipas: Estarám formadas por um máximo de 10 membros, dos cales seis estarán no xogo, e o resto serán suplentes.

Obxectivos: Nas fases eliminatorias, as partidas xogaranse ao vencedor de 1 set. A final disputarase ao vencedor de 3 sets. En cada set débese acadar un total de 25 pontos sempre e cando haxa unha diferenza de 2 pontos coa outra equipa (se se empatar a 24 débese conseguir 26).

Carreira Popular

Participación: Cada equipa poderá apresentar tres participantes, entre os que haberá como mínimo unha muller. A proba realizarase por relevos, desenvolvendo cada unha das catro probas (Carreira de Sacos 15m, Carreira a Carretilha 15m, Carreira ao Chico 15m, Carreira com umha culher na boca e cumha pataca. 15m) un componente da equipa.

Os relevos e a equipa gañadora: relevo pasarase de un participante a outro na forma dunha pulseira, coa que partirán posta as e os corredores na primeira proba. Os outros membros da equipa agardaran após a unha liña marcada para continuar e non poderán sair dos seus postos de espera até terem colocada a pulseira no pulso. Assim mesmo, os atletas nom poderám quitar a pulseira que levam para dar-lha aos seus companheiros até chegar ao posto de espera destes. Suporám penalizaçons de 10 segundos, acumuláveis entre sim:- Chegar ao posto de espera com a pulseira fora do pulso.- Sair do posto de espera coa pulseira fora do pulso.

- Que o ou a atleta que espera saque a mao fora dos limites do posto de espara antes de receber a pulseira.

Ganhará a equipa que, umha vez aplicadas as penalizaçons se as houver, realice o conjunto da prova no menor tempo. Polo seu carácter complexo e completo, a ganhadora ou ganhador desta prova somará dou pontos na classificaçom geral.

Billarda

A Billarda, o deporte tradicional galego relanzado dun tempo a esta parte con grande suceso polaLiga Nacional de Bilharda, non podia faltar.

Aas regras podedes consultar descargando o "Manual do Activista da LNB".

Loita Galega

Co fin de evitar posibles lesións e de facilitar a práctica desta proba a tod@s @s participantes, decidimos realizar unha adaptación do regulamento deseñado/recollido polo club de loita A Cambadela (A Estrada). Isto provoca, ó noso pesar, non poder realizar a loita galega con tódolos seus elementos propios. Así é todo, trataremos de gardar certas particularidades desta disciplina e tentaremos contribuír á súa difusión, pois é unha actividade que foi caendo no esquecemento, como consecuencia do abandono do rural galego, ó igual que outras moitas accións e actividades propias do país.

Espazo

Terá lugar nun círculo con 4 metros de diámetro, marcado sobre o propio terreo da “Veronza Nova” (Vila Olímpica). Haberá unha zona de seguridade arredor deste círculo para evitar posibles accidentes.

Duración

A duración total do combate será de 5 minutos a tempo corrido.

Vestimenta- Loitarase cun pantalón (preferiblemente chándal), sen cremalleiras e remangado polos xeonllos.

- A loita faise descalzos.

ParticipantesOs participantes serán homes e mulleres e unicamente haberá división por categoría de pesos, separando en:- Menos de 60Kg.- Entre 60 e 80Kg.- Máis de 80Kg.

Cada equipa poderá inscribir ate 2 loitadores/as por categoria.

Obxectivos (como se acada a vitoria):- Inmobilizar ó contrario no chan durante 15´´. Considérase inmobilizado dende que o árbitro comeza a conta en voz alta.

- Combinar 3 puntos antes de rematar a duración do combate. En caso de non acadar os 3 puntos, será proclamado vencedor o que acade máis puntos. En caso de empate, haberá un tempo extra para determinador o gañador, vencendo o primeiro que acade un punto ou consiga inmobilizar ó contrario.

Para acadar 1 punto:- Conseguir derribar ó contrario. Considérase derribado sempre que o loitador perda o equilibrio e toque con calquera parte do corpo no chan a excepción dos pés (exemplos: tocar co xeonllo, ca man…).

- Botar ó contrario fora do circulo.

Prohibicións:- Non se permite golpear (cas pernas ou cas mans), rabuñar,estrangular ou agarrar do pescozo. A cara/cabeza non pode ser obxecto de ningún tipo de acción.- Non se pode abrazar as dúas pernas á vez.- Non se permite realizar ningún tipo de maña fora do terreo de loita, pero sí as que comecen dentro e se finalicen fora, así como as comezadas dentro do tempo regulamentario e finalizadas unha vez rematado este.- Están prohibidas aqueles movementos complexos que poñen en perigo a integridade física do rival.

- Están prohibidos agarrar ou tirar da camisola ou roupa que cobra o torso.

Accións permitidas:- As mañas realízanse sobre o pantalón, pernas(zona que cubre o pantalón), brazos ou tronco.- Nas mañas sobre as pernas, so se poden agarrar cunha man, nunca abrazalas ca dúas mans nin abrazar as dúas pernas á vez.

- Pódese utilizar calquera tipo de técnica cas pernas sempre que non se observe golpeo.

Ligazóns interesantes (Bibliografía):

http://loitagalega.wordpress.com

http://loitagalega.files.wordpress.com/2...

SERVIZOS

2011-06-29T08:07:00.000-07:00

CAMPO DA MOREIRA

O evento deportivo terá lugar nas instalacións deportivas da Moreira, en Xinzo de Limia, que conta con vestiarios, campo de fútbol, pista de atletismo, gradas para ver comodamente as probas e descansar e unha servizo de bar, con bebidas e bocadillos habilitado ao efecto..